Activar a tarxeta gráfica integrada en OpenSuse

Introdución

Fai pouco escoitei un Podcast de Sobre la marcha, no que Gabriel Viso falaba do uso da tarxeta gráfica nos portátiles. De como xeralmente o equipo non está configurado despois, da instalación para facer uso da tarxeta. O episodio xa era vello, do 2020, pero entroume a dúbida de se hoxe en día a cousa segue a ser así.

En portátiles con gráficos integrados, especialmente en Linux, é fundamental configurar correctamente o sistema para aproveitar ao máximo o rendemento e a duración da batería.

Neste artigo deixarei reflectidos os pasos que seguín para asegurarme do uso da tarxeta e da modificación dalgúns parámetros, onde foi necesario.

Revisando a configuración

1. Verificar o controlador gráfico

O primeiro paso é confirmar que o controlador correcto está en uso. Para gráficos Intel, o controlador é i915.

lspci -k | grep -A 3 -i "VGA\|3D"

Saída esperada:

00:02.0 VGA compatible controller: Intel Corporation Skylake GT2 [HD Graphics 520] (rev 07)
        Subsystem: Lenovo Device 224b
        Kernel driver in use: i915
        Kernel modules: i915

2. Comprobar a aceleración 3D

Usa glxinfo para verificar que a aceleración 3D está activada.

glxinfo | grep "OpenGL renderer"

Saída esperada:

OpenGL renderer string: Mesa Intel(R) HD Graphics 520 (SKL GT2)

3. Activar a aceleración por hardware en Firefox

Para mellorar o rendemento do navegador, ca reproducción de vídeo ou outras opcións, é recomendable activar a aceleración por hardware en Firefox:

  1. Escribe about:config na barra de direccións.
  2. Busca e activa as seguintes opcións:
    • layers.acceleration.force-enabled → true
    • gfx.webrender.all → true
  3. Reinicia Firefox.

Para verificar que está funcionando, escribe about:support e busca a sección “Compositor” e “GPU #1”.

4. Configurar VA-API para aceleración de vídeo

VA-API permite a aceleración por hardware na reproducción de vídeo.

Se non temos instalado o comando vainfo, executaremos previamente:

sudo zypper install libva-intel-driver libva-utils

Para verificar que está instalado e funcionando, executamos:

vainfo

Saída esperada (exemplo parcial):

libva info: VA-API version 1.23.0
libva info: Driver version: Intel iHD driver for Intel(R) Gen Graphics - 26.1.1
VAProfileH264High               : VAEntrypointVLD
VAProfileH264High               : VAEntrypointEncSlice
VAProfileHEVCMain               : VAEntrypointVLD
VAProfileHEVCMain               : VAEntrypointEncSlice

Para activalo en Firefox:

  1. Escribe about:config e busca media.ffmpeg.vaapi.enabled.
  2. Pon este valor a true.
  3. Reinicia Firefox.

En VLC, ve a “Ferramentas” > “Preferencias” > “Entrada/Códigos” e selecciona VA-API en “Aceleración por hardware”.

5. Monitorización do uso da GPU

Se non tes intel_gpu_top, podes usar o seguinte comando para ver a frecuencia actual da GPU:

watch -n 1 "cat /sys/class/drm/card0/gt_cur_freq_mhz"

Conclusión

Seguindo estes pasos, o teu sistema debería estar optimizado para aproveitar ao máximo a gráfica integrada, mellorando tanto o rendemento como a duración da batería.

Fontes

  • Sobre la marcha, podcast de Gabriel Viso