Instalar DNIe e Autofirma en OpenSuse

Introducción

Estes días no choio remitiron o formulario 145, para declarar o meu estado de cara aos impostos. O caso é que desque formatara non tiña instalados os drivers para o lector, nin o Autofirma para firmar o documento. Así que vou deixar aquí reflexados os pasos para instalar amba-las dúas cousas.

Lector de DNIe

Para botar a andar o lector de DNIe precisamos instalar libpkcs11. Que a súa vez ten outras dependencias.

Estas dependencias instaleinas co seguinte comando:

sudo zypper in  libpcsclite1 libpcscspy0 pcsc-ccid pcsc-lite pcsc-tools perl-pcsc pinentry pinentry-gtk2 pinentry-qt5

O paquete do DNIe descargámolo da páxina www.dnielectronico.es, aí atoparemos o paquete para Debian, Ubuntu, Fedora e OpenSuse. Marca a versión 15.6, pero eu instaleino en Tumbleweed, así que tamén funcionará en OpenSuse Leap 16.

Pois unha vez temos as dependencias instaladas, o seguinte é instalar o aquivo que acabamos de descargar.

sudo zypper in libpkcs11-dnie-1.6.8-1.x86_64.rpm

Para probar que estea a funcionar executaremos pcsc_scan, se o temos conectado veremos algo así.

$ pcsc_scan
PC/SC device scanner
V 1.7.3 (c) 2001-2024, Ludovic Rousseau <ludovic.rousseau@free.fr>
Using reader plug'n play mechanism
Scanning present readers...
0: Alcor Micro AU9540 00 00
 
Fri Jan 30 17:09:16 2026
 Reader 0: Alcor Micro AU9540 00 00
  Event number: 0
  Card state: Card removed,

No meu caso non teño o DNI conectado, amosa Card removed.

Se nin tan siquera tuvésemos o lector conectado, veríamos isto.

pcsc_scan
PC/SC device scanner
V 1.7.3 (c) 2001-2024, Ludovic Rousseau <ludovic.rousseau@free.fr>
Using reader plug'n play mechanism
Scanning present readers...
Waiting for the first reader...

Neste punto xa podemos conectar e ler o DNIe.

Firefox

Coma un extra imos ver como engadir o certificado para poder utilizar tamén o DNIe co navegador. Deste xeito poderemos acceder a algúns servizos utilizandoo como autenticación. Por exemplo na web do Sergas.

Engadir o dispositivo

O primeiro, non utilizar a versión Flatpak, xa que non vai ter acceso a /usr/lib/libpkcs11-dnie.so.

No Firefox iremos ao Menú > Configuración > Privacidade e Seguranza > Dispositivos de seguranza. Aquí prememos en cargar.

Pantalla de carga de dispositivos de seguranza

Na seguinte pantalla dámoslle un nome ao módulo, por exemplo DNIe. E en Nome do ficheiro do módulo pomos a ruta /usr/lib/libpkcs11-dnie.so.

Pantalla de carga do módulo

Aceptamos e xa o temos engadido.

Engadir o certificado raíz da policía

En Menú > Configuración > Privacidade e Seguranza > Ver certificados.

Pantalla do xestor de certificados

Aquí prememos en Importar… e apuntamos a /usr/share/libpkcs11-dnie/ac_raiz_dnie.crt.

Activamos as dúas casillas para identificar sitios web e usuarios de correo e aceptamos.

Confirmar que funciona

No meu caso accedín ao meu servizo de E-Saúde, pero calquer web que admita o DNIe pode valer.

Autofirma

Unha das dependencias de Autofirma é openjdk-8-jre, en Tumbleweed xa vai pola versión 25 neste momento. Eu traballei ca 25. Puiden instalar e utilizar a aplicación para firmar o documento sen problemas.

Podemos descargálo da web oficial. Temos que extraer o ficheiro e ao igual ca antes instalamos con Zypper.

sudo zypper in autofirma-1.9-1.noarch_OpenSUSE.rpm

Cando iniciemos Autofirma, daranos o aviso de que a version de Java non está soportada. Pulsamos Ok e ignoramos a mensaxe.

E xa podemos seleccionar ficheiros e firmar con normalidade.

Conclusión

Con estes pasos temos configurado o DNIe e Autofirma para utilizalo no noso equipo. Poderemos asinar documentos, acceder a webs co noso DNIe, etc.

Fontes